شركة منا القابضة (منا قابضة) 523 ( كيه سبان سابقا ) - الصفحة 55

Bo Tasneem

اقتباس:

المشاركة الأصلية كتبت بواسطة The Boss

أبو تسنيم
احتمال السيناريو الثاني أكبر واحتمال ارتداد السهم الأحد .
الأحد السعر يوصل 1،280 وهذا سعر الارتداد تقريباً عند ارتداد فيبوناتشي الأقوى 61.80% ،،(بالضبط 1،293 ) .. والله أعلم .
هذا طبعاً اذا كان منا قابضه يعترف بالسنيور فيبوناتشي !

مستر Boss شخبارك أخوي ..

السطر الأخير مهم جداً ..

إذا كانت مناقابضة معترفه بالفيبوناتشي .. أو بالتحليل أصلاً ..

تسلم على هالمعلومه .. وأتمنّى تباشرنا عزيزي بالارتداد إذا ماعليك كلافه ..

تحياتي لجهدك .. وبارك الله فيك ..

(إللي ينام بعد صلاة العصر مشكله والله .. يطيحله سهره تقول خفّاش )

بوتسنيم

Bo Tasneem

اقتباس:

المشاركة الأصلية كتبت بواسطة تتابع

قبل ايام كتبت الموضوع وامس بس انشال ليش
منو المستفبد من اخفاء الموضوع

مع انى قلت راح يصير حد ادنى ايام متتاليه
ومنتدانا هذا مشهود له بالديموقراطيه والشفافيه

هلا أخوي تتابع يعطيك العافية ..

موضوعك اندمج مع موضوع (منا قابضة) .. تلقاه احتمال قبل 4 أو 3 صفحات بالأخير ..

وتراني استأذنتك قبل لا أدمجه .. شفتك مارديت جان أدّيها اندماج ..

تامر على شي ترى حاضرين ..

بوتسنيم

Bo Tasneem

تعليق بسيط قبل الشخير ..

سمعت بأن منتديات أخرى كالمؤشرنت والنوادي فيهم كلام عن (إعادة تقييم سعر المتر بالنسبة للأرض المعنية) ..

يبا بالعقل أو خل نقول بالساهل ..

يصير بوصقر مثلاً يشتري مزرعة بجبد سعر مترها دينار واحد .. ويقوم يتعب ويخلّص أوراقها ويحوّلها إلى أرض استثمارية يقدر يبني عليها أي عمران .. ويصير سعر المتر 20 دينار ..

طيّب بوصقر تعب وحوّلها وخلّص كل أمورها .. تيي الدولة تقوله تعال يبا .. انت شريتها بدينار منّا .. والحين ماشاءالله خيرها وايد .. ترى اسمح لنا نبيها بدينارين مو بدينار ..

هل يعقل هالشي .. !!

جاوبني أحد الأصدقاء بأن هالشي يصير في مصر ..

بالنسبة لي .. موداخله المخ أبداً .. والمخ أصلاً سكّر خلاص .. تصبحون على خير ..

قرقت عليكم وايد الليله .. إللي يقول نازل للمجلس ..

بوتسنيم

sarem

اقتباس:

المشاركة الأصلية كتبت بواسطة Bo Tasneem

كويت نيوز .. تقول بأن الأرباح مثل ما توقّعناها ويبناها من مصادرنا بين الـ 40 إلى 60فلس ..

وذكرت كويت نيوز بإنها 61فلس ..

السيناريو إللي كنت متصوره اليوم بعد اغلاق السوق .. إن باجر راح يضغط السهم بالحد الأدنى بشكل كبير .. والناس راح تفهم بأن خبر ربحية الربع الأول ماتشفع له .. فتعرض بكثرة ..

وفجأة يسحب أوامر الضغط ويتم شراء كمّية الناس بحيث مايعطيهم مجال يدخلون مرّة ثانية ..

هذا كان تصوّري للغد ..

أمّا قبل ساعه تقريباً ..

دخل علي سيناريو ثاني عبر التليفون .. يقول السيناريو بأن الحد الأدنى مستمر إلى الخميس مرة وحدة .. !!

ما أبي أخوّفكم صراحة .. ولكن هذا إللي وصلي بالتليفون ..

إللي ودّه يبيع بأقرب فرصة ويرد الخميس أو الأحد هو حر ..

وإللي ودّه يدق وتد معاي ويقعد بخيمتي حيّاه الله والخيمه عودة ماشاءالله ..

حبّيت أكون منصف وما أبخل عليكم بأي معلومه من إللي عندي .. وكلّن عنده حلاله والسكّان بإيده (يطلع أو يستمر) هو حر ..

موفّقين خير ان شاءالله ..

بوتسنيم

عندي استفسار وأبي الأخوان يشاركوني الرأي !!!

صانع السوق على السهم على علم ودراية بربحية السهم مسبقا وهذا امر أكيد , السؤال المطروح حاليا ما دام الأمر كذلك ليش ما استفاد صانع السوق اليوم من الضغط اللي سواه على السهم علشان يلم السهم بالنازل على الأقل وياخذ المليون وسبعمية المعروضة ويترك السهم مضغوط بالحد الأدنى ويستفيد من الخبر باجر ويصرف اللي شراه اليوم ؟؟

هل صانع السوق غير مقتنع بشراء السهم على هذه الأسعار مثلا ؟؟

نبي مشاركات عقلانية وبنائة رجاءا بدون اي توتر ؟؟؟

السؤال الثاني حول مصدر الربحية حيث ان الشركة لم تعلن عن اي تخارج ولم تتم اي صفقة بهذا الحجم من الأرباح فمن أي أتت هذه الربحية الضخمة بالنسبة لرأس المال ؟؟؟

هل معقول ان الشركة ضاربت بالسهم مثلا من خلال محافظها مستفيدة من ارتفاع السهم 500% لتحقيق هذه الربحية العجيبة ؟؟

رجاءا مر ة اخرى نبي مشاركات مفيدة وبناءة فقط بعيدا عن الشخصانية !!

كويتي2006 · **خبر قوي لا يطوفكم -** 13-05-2008, 01:47 AM

هذا رد تاجر بن تاجر على كلام بو تسنيم حول ان جاءه اتصال بان السهم راح ينزل حد ادنى حتى يوم الخميس :

بيـــان رســمـــــــــــــي ( منــا قابـضـــــه )

--------------------------------------------------------------------------------

بسم الله الرحمن الرحيـــم

بيان رســمـــي
السيد تاجــر ابن تاجـــر

جاءنا ما يلي ردآ على الاخ مشرف منتدى سوق الكويت للاوراق المالية العضو بوتسنيم ونرجو من احد الاخوان نقل الرد له ,,,

,,, لما يدعيه بانة وردت له مكالمة هاتفيه تفيد بان السهم حد ادني الى يوم الخميس فهذا الكلام عاري عن الصحة تمامآ ,,, لانه لا بوتسنيم ولا غيرة يتحكمون بالسوق الاوامر والمحافظ اهما من يتحكم بسوق الكويت ,,, وارباح الربع الاول كفيلة وكافيه ,,,

وسوف تكون لنا وقفه مع السهم غدآ وسوف تشهدون بأن تاجر ابن تاجــر سوف يوقف النزيف وبقوة واعدكم بتصاعد السهم وبالحد الاعلـــى انشاءلله,,, ولا خوف ولا قلق على السهم والدخول مناسب بهذه الاسعار ,,, ولا داعي للخوف او البيع غدآ ,,, انظرو الى ارباح الربع الاول واهيا كفيله جدآ برفع السهم ,,, ولو مو كفيلة ليش المحافظ ما قطت اللي عندها ,,,

والاخ بوتسنيم كان يوصي على السهم والدخول عليه وبقوة ,,, فكيف له ان يقول بان السهم حد ادني الى يوم الخميس ,,, والمكالمة التي وردت للاخ بو تسنيم من شخص اسمه بدر ,,, وقولو له وشوفو ما راح ينكر هالشي ,,, واعرف بدر منو بالضبط هذا ,,, بدر كان يدز لي رسايل عالخاص يقول لي تكفى تاجر ادش عالسهم او لا والحين صاير مفتي بوتسنيم ,,, وقولو حق بوتسنيم ترى بدر دق على تاجر ابن تاجر وقالي نفس الكلام ,,, والسهم سيواصل مسيرة الصعود باذن الواحد الاحد

منا قابضة الى مستويات ستفـــــوق 3 دنانير

السيد تاجــر ابن تاجـــر

-----------------------------

عاش تاجر عاش عاش

Bo Tasneem

اقتباس:

المشاركة الأصلية كتبت بواسطة sarem

عندي استفسار وأبي الأخوان يشاركوني الرأي !!!

صانع السوق على السهم على علم ودراية بربحية السهم مسبقا وهذا امر أكيد , السؤال المطروح حاليا ما دام الأمر كذلك ليش ما استفاد صانع السوق اليوم من الضغط اللي سواه على السهم علشان يلم السهم بالنازل على الأقل وياخذ المليون وسبعمية المعروضة ويترك السهم مضغوط بالحد الأدنى ويستفيد من الخبر باجر ويصرف اللي شراه اليوم ؟؟

هل صانع السوق غير مقتنع بشراء السهم على هذه الأسعار مثلا ؟؟

نبي مشاركات عقلانية وبنائة رجاءا بدون اي توتر ؟؟؟

السؤال الثاني حول مصدر الربحية حيث ان الشركة لم تعلن عن اي تخارج ولم تتم اي صفقة بهذا الحجم من الأرباح فمن أي أتت هذه الربحية الضخمة بالنسبة لرأس المال ؟؟؟

هل معقول ان الشركة ضاربت بالسهم مثلا من خلال محافظها مستفيدة من ارتفاع السهم 500% لتحقيق هذه الربحية العجيبة ؟؟

رجاءا مر ة اخرى نبي مشاركات مفيدة وبناءة فقط بعيدا عن الشخصانية !!

بعدي ما تلحّفت .. فيمدي أقول شغله وأكمّل باجر ان شاءالله ..

السهم ماعليه صانع سوق ..

فالمحافظ الحين مستفيدين من هالشغله وقاعدين يضغطون ويخططون على راحتهم ..

أظن السيد/ أحمد عبدالسلام يدري بهالشي .. ولكن ماراح تطول ان شاءالله ..

وبالنسبة للأرباح أخوي صارم ..

ذكرتها لك قبل هالمشاركة بإنها تقييم لأصول الشركة .. وراح تشوف الربحية الغير محققة شكثرها باجر بالإعلان ان شاءالله ..

بالتوفيق للجميع ..

بوتسنيم

بومهدي · **رد: خبر قوي لا يطوفكم -** 13-05-2008, 01:55 AM

اقتباس:

المشاركة الأصلية كتبت بواسطة كويتي2006

هذا رد تاجر بن تاجر على كلام بو تسنيم حول ان جاءه اتصال بان السهم راح ينزل حد ادنى حتى يوم الخميس :

بيـــان رســمـــــــــــــي ( منــا قابـضـــــه )

--------------------------------------------------------------------------------

بسم الله الرحمن الرحيـــم

بيان رســمـــي
السيد تاجــر ابن تاجـــر

جاءنا ما يلي ردآ على الاخ مشرف منتدى سوق الكويت للاوراق المالية العضو بوتسنيم ونرجو من احد الاخوان نقل الرد له ,,,

,,, لما يدعيه بانة وردت له مكالمة هاتفيه تفيد بان السهم حد ادني الى يوم الخميس فهذا الكلام عاري عن الصحة تمامآ ,,, لانه لا بوتسنيم ولا غيرة يتحكمون بالسوق الاوامر والمحافظ اهما من يتحكم بسوق الكويت ,,, وارباح الربع الاول كفيلة وكافيه ,,,

وسوف تكون لنا وقفه مع السهم غدآ وسوف تشهدون بأن تاجر ابن تاجــر سوف يوقف النزيف وبقوة واعدكم بتصاعد السهم وبالحد الاعلـــى انشاءلله,,, ولا خوف ولا قلق على السهم والدخول مناسب بهذه الاسعار ,,, ولا داعي للخوف او البيع غدآ ,,, انظرو الى ارباح الربع الاول واهيا كفيله جدآ برفع السهم ,,, ولو مو كفيلة ليش المحافظ ما قطت اللي عندها ,,,

والاخ بوتسنيم كان يوصي على السهم والدخول عليه وبقوة ,,, فكيف له ان يقول بان السهم حد ادني الى يوم الخميس ,,, والمكالمة التي وردت للاخ بو تسنيم من شخص اسمه بدر ,,, وقولو له وشوفو ما راح ينكر هالشي ,,, واعرف بدر منو بالضبط هذا ,,, بدر كان يدز لي رسايل عالخاص يقول لي تكفى تاجر ادش عالسهم او لا والحين صاير مفتي بوتسنيم ,,, وقولو حق بوتسنيم ترى بدر دق على تاجر ابن تاجر وقالي نفس الكلام ,,, والسهم سيواصل مسيرة الصعود باذن الواحد الاحد

منا قابضة الى مستويات ستفـــــوق 3 دنانير

السيد تاجــر ابن تاجـــر

-----------------------------

عاش تاجر عاش عاش

السلام عليكم و رحمة الله

اخوي الكريم كويتي 2006

نشكرك على النقل كما نشكرك على حرصك ، لكن ياريتك ضغت الكلام بصيغة افضل من هذا النقل لأننا على قناعة بان الأمر ليس بيانات وتصريحات ثورية ؟ وكأن ارزاق الناس تبدأ ببيان رقم واحد.

وفقكم الله
اخوكم
بومهدي

كويتي2006

يا اخونا الكبير بو مهدي انا نقلت الكلام كما هو ، وناقل الكفر ليس بكافر

وانا حرصا مني على ان ممكن احد يبيع باجر من الصبح من خلال كلام بوتسنيم ، فنقلت الكلام مال تاجر ، وخل الواحد يقارن وياخذ بالرأي الي يبي سواء راي تاجر او بو تسنيم

وبس

واسف اذا كنت غلطان بالنقل

ادري بو تسنيم بيعصب الحين ، لأن املاحظه جبريت ابسرعه ياخذ بخاطره ، بس قلبه طيب

esmail78

Bo Tasneem

اقتباس:

المشاركة الأصلية كتبت بواسطة كويتي2006

يا اخونا الكبير بو مهدي انا نقلت الكلام كما هو ، وناقل الكفر ليس بكافر

وانا حرصا مني على ان ممكن احد يبيع باجر من الصبح من خلال كلام بوتسنيم ، فنقلت الكلام مال تاجر ، وخل الواحد يقارن وياخذ بالرأي الي يبي سواء راي تاجر او بو تسنيم

وبس

واسف اذا كنت غلطان بالنقل

ادري بو تسنيم بيعصب الحين ، لأن املاحظه جبريت ابسرعه ياخذ بخاطره ، بس قلبه طيب

يا ســــــــــــلام .. والله طارت النومه .. بكمّلها صبّاحي خلاص ..

أفا عليك كويتي2006 ..

ما نعصّب على هالتصريحات يبا والبيانات .. ومابينا وبين ابن تاجر أي شي .. وإذا ودّه يولّع شراره .. فقوله بوتسنيم يطفّيها بفنجان قهوه ..

أمانه سلّم عليه ..

وقوله amaso18 يقولّك سعر الـ 3 دنانير هذا ولا شي وحق الفقاره .. الأهداف أعلى ترى .. وفاز باللذات من كان جسورا ..

والظاهر أحّد ناقلّه مشاركاتي مو أهو إللي قاريها بنفسه ..

قولّه حيّاك الله تفضّل اقرا على أأل من مهلك ..

وخل يحافظ على نقل الصحيح مو يألّف ..

آنا قلت رأيي والسيناريو إللي فكّرت فيه بعد اغلاق السوق اليوم ..

أمّا سيناريو النزول إلى الخميس فهذا اتصال وصلّي وماحبّيت أحتفظ فيه ولكن ذكرته للأمانة لا أقل ولا أكثر من محبّتي للإخوان المستثمرين لمنا قابضة ..

والحمدلله ..

الله مغنينا .. وسعر دخولي ما حصلته ناس كثير وربّما حتى انت بنفسك يا ابن تاجر .. تبي أطبع لك البون !! لكن السالفة موتحدّي ..

هذا سوق يبا .. وأتمنّى باجر تدخل ويّا الشباب وتوقفون هالنزول ومن ثمّ إلى الأهداف العالية يارب ..

موفّق خير ..

بوتسنيم

Bo Tasneem

وبعدين تعال ..

منو بدر هذا .. !!

وربّي ضحكت ضحك .. الله يغربل ابليسك يا ابن تاجر .. والله اسمه أحمد مو بدر زين ..

خليتني أفضح اسم الريّال الله يهداك بس (ما كإن أكو 17 مليون واحد اسمهم أحمد بالكويت )

عموماً ..

سلّم على بدر تكفه .. وخلّه يراسلني بالخاص أبيه بسالفه ..

بوتسنيم

كويتي2006 · **خبر قوي يا بوتسنيم لحق لحق -** 13-05-2008, 02:47 AM

عاش بو تسنيم عاش عاش
وهذي بوسه على خشمك لأنك وسعة صدرك ، وتره آلة الرئاسة سعة الصدر ، وانت صدرك وسيع فلذلك انت زعيم يا بوتسنيم وعارف تكسب الكل .

بوتسنيم إليك هذا الخبر الي راح يعجبك ، بس طبعا انا زعلان عليك لأنك ماقلت لي شنو الرقم الي فوق 3 دنانير ولي خاشنه عني يا بوتسنيم

الحين خل اعطيك الخبر علشان تعطيني الرقم الي فوق ال 3 دنانير :

نقلا عن عضو في المؤشر نت اسمه : مسكين99 ، طبعا اهو اسمه مسكين بس شكله عروقه بالماي ، هذا مسكين ورفيجه صاحب محفظة ضخمة ، عيل اشلون لو كان ( تاجر اخو تاجر ) جان شنو سوى ، أو لو أسمه ( واصل بن واصل ) ، المهم مسكين 99 يقول التالي :

شباب ببلغكم بالي وصلني ... من قبل مدير محفظة ضخمه وكبيرة بسوق الكويت تابعة لاحدى الشركات قال لي مديرهم لو عندك فلوس كثر ما تقدر دش باجر على سهم منا قابضة راح يعرضون وايد بالحد الادني دش ولاتخاف وراح ندش عليه نهاية السوق ويرتفع حد اعلى ويعلق وعقبها ما تصيده وقال لي حاول تدش بداية السوق عليه بالحد الادني,,,, مجرد انقل لكم ما وصلني ...

------------------------------------------------------------

وعاش بو تسنيم عاش عاش
ناطرين الخبر منك قبل لا ننام

harby

7:42:0 بلغ ربح (منا قابضة) 4,7 مليون د.ك لل3 أشهر المنتهية في31-03-08‏
يعلن سوق الكويت للأوراق المالية أن مجلس ادارة شركة منا القابضة ‏
ِ(منا قابضة) قد اجتمع امس الاثنين الموافق 12-05-2008 واعتمد البيانات
المالية المرحلية للشركة لفترة الثلاثة أشهر المنتهية في 31-03-2008،
وفقا لما يلي :‏
نتائج أعمال الشركة:‏
البند ال3أشهر المنتهية في 31-03-07 ال 3أشهر المنتهية في 31-03-08
الربح (د.ك) 20,912 4,704,124 ‏
ربحية السهم(فلس كويتي) 0,66 61,54 ‏
علما بان صافى الربح يتضمن:‏
ارباح غير محققة بمبلغ 4,984,563 د.ك.‏
بلغ اجمالي الايرادات من التعاملات مع الاطراف ذات الصلة مبلغ 5,251,683 د.ك.‏
بلغ اجمالي المصروفات من التعاملات مع الاطراف ذات الصلة مبلغ 0 د.ك.‏

Bo Tasneem · **رد: خبر قوي يا بوتسنيم لحق لحق -** 13-05-2008, 09:22 AM

اقتباس:

المشاركة الأصلية كتبت بواسطة كويتي2006

عاش بو تسنيم عاش عاش
وهذي بوسه على خشمك لأنك وسعة صدرك ، وتره آلة الرئاسة سعة الصدر ، وانت صدرك وسيع فلذلك انت زعيم يا بوتسنيم وعارف تكسب الكل .

بوتسنيم إليك هذا الخبر الي راح يعجبك ، بس طبعا انا زعلان عليك لأنك ماقلت لي شنو الرقم الي فوق 3 دنانير ولي خاشنه عني يا بوتسنيم

الحين خل اعطيك الخبر علشان تعطيني الرقم الي فوق ال 3 دنانير :

نقلا عن عضو في المؤشر نت اسمه : مسكين99 ، طبعا اهو اسمه مسكين بس شكله عروقه بالماي ، هذا مسكين ورفيجه صاحب محفظة ضخمة ، عيل اشلون لو كان ( تاجر اخو تاجر ) جان شنو سوى ، أو لو أسمه ( واصل بن واصل ) ، المهم مسكين 99 يقول التالي :

شباب ببلغكم بالي وصلني ... من قبل مدير محفظة ضخمه وكبيرة بسوق الكويت تابعة لاحدى الشركات قال لي مديرهم لو عندك فلوس كثر ما تقدر دش باجر على سهم منا قابضة راح يعرضون وايد بالحد الادني دش ولاتخاف وراح ندش عليه نهاية السوق ويرتفع حد اعلى ويعلق وعقبها ما تصيده وقال لي حاول تدش بداية السوق عليه بالحد الادني,,,, مجرد انقل لكم ما وصلني ...

------------------------------------------------------------

وعاش بو تسنيم عاش عاش
ناطرين الخبر منك قبل لا ننام

الأخ/ مسكين .. كلامه ماشي كإنه بالضبط ..

بالتوفيق ..

بوتسنيم