|  روعة هالقصيدة!!!!!!! -
23-11-2007, 05:57 PM
نيشان
قوافل الليل
بواردي
هالليل اللي سمّر فينا
ماخذنا.. وين مودّينا؟!
لا نجمة فالسما بانت
لا نورس أبيض
لا مينا؟!
هالليل اللي ما شي ورايح
واحنا وراه غصب عنا
قوافل تشربها الرمضا
والموت الأحمر.. حادينا!!
هالليل اللي.. أصمّ ابكم
لا يسمع اصواتنا المره
ولا يحس فينا الجمره
ننثر له الكلام اللولو
لا يقرأ
ولا يحاكينا!
يا ليل وقف..
على هونك
خلنا نشوف لو مره.. عيونك
خلنا لو مره نتأكد..
إنك شايف
ونتطمن لك.. انك عارف..
هذا الطريق اللي يطوي
احلام الفرحه.. ويطوينا!
ياليل أرجوك.. وقف لحظه
أنفاسنا يا ليل انقطعت
ولا بقي فينا قوه
نشيل أصغر رجاوينا
من طول الطريق صدقني
ملت حتى خطاوينا
ياليل أرجوك وقف.. لحظه
شوف الظما يشرب منا
كل الآمال ويقتلها
والأيام تعدي سودا
وصارت حنظل.. أمانينا
يا هالليل اللي ماخذنا
ما خذنا وين مودّينا؟!!!
سهم العمر 00 طيران الجزيرة
| 
