' الكويتية': إغلاق الكاونترات قبل ساعة من الإقلاع

boali

' الكويتية': إغلاق الكاونترات قبل ساعة من الإقلاع

عادل بورسلي

21/11/2006 أعلنت مؤسسة الخطوط الجوية الكويتية انها قررت اغلاق كاونترات حاجز الوزن وقبول الركاب لجميع رحلاتها المغادرة من مطار الكويت الدولي قبل ساعة واحدة من موعد الاقلاع. وقال مدير دائرة العلاقات العامة والإعلام في المؤسسة عادل محمد بورسلي ان هذا القرار يأتي انسجاما مع سعي المؤسسة الدائم الى رفع نسبة اقلاع طائراتها في الوقت المحدد قدر الامكان، مشيرا الى انه سيتم اغلاق بوابات المغادرة قبل عشر دقائق من موعد الاقلاع، وذلك بغية الحد من التأخير الناجم عن تأخر وصول الركاب إلى البوابة.
وناشد بورسلي مسافري المؤسسة التوجه الى بوابات المغادرة قبل 45 دقيقة من موعد الاقلاع، وذلك لضمان تسهيل الإجراءات ولتفادي الغاء سفرهم جراء التأخر في الوصول الى بوابة المغادرة.

rahaly

يا ريت

يا ريت يصدقون ويكونون جادين

اتعس طيران في العالم ... كله تاخير ... من سمات الكويتية التاخير

وكل واحد كانها طيارة ابوه
يدخل متاخر ... وما يستحي .. يتسحب ويضحك مع عياله والناس تطالعة وهو مأخر طياره فيها 400 راكب !!!!

boali

اقتباس:

المشاركة الأصلية كتبت بواسطة rahaly

يا ريت

يا ريت يصدقون ويكونون جادين

اتعس طيران في العالم ... كله تاخير ... من سمات الكويتية التاخير

وكل واحد كانها طيارة ابوه
يدخل متاخر ... وما يستحي .. يتسحب ويضحك مع عياله والناس تطالعة وهو مأخر طياره فيها 400 راكب !!!!

رحالي حدك حدك

ترى أنا واحد منهم

تصدق رحالي أقولك شي ,, أنا أغلب سفراتي بالنداء الاخير يالله أجي عند

كونتر الدخول ومرات ينادوني بالاسم

وأقسم بالله مرة واحد شوي ويطقني من القهر:p

شافني قاعد بالمطعم أكل ,,

فيني برود مو طبيعي ,, بس مو بكل شي!!

ebjad

ربعنا ما يتغيرون ابدا في الكويتيه والا غيرها

يعطيكم العافيه على هذه المشاركات

boali

الله يعافيك بوخالد

وبارك الله فيك

rahaly

عيل انا عكسك بو علي

رغم ان عملي في السفر وكثرة السفر

لكن شرط اكون فالمطار يمكن قبل يومين من السفر مو ساعتين بس

طبعا بسبب التجارب ... لما تروح ... وبالذات الكويتية ... وتقولولك حجزك ملغي او ملخبط .. تتعلم تروح قبل اربع ساعات عشان تحل اي مشكلة

بس انت نبي نعمم اسمك على شركات الطيران

BLACK LIST

ولو تسويها وانا في الطيارة معاك ... اشيش عليك المسافرين
وبالذات الصعايدة عالطيارة ... وتخيل انت على ارتفاع 30 الف قدم

boali

عاد ما لقيت الا الصعايده

شناوي علي بونواف

ما راح ينفع معاي حتى مركز البابطين

omfouad

اهي بس مشكلتها التأخير ؟؟

قبل 3 سنوات
شهر 9 رحنا انا وبوفؤاد ايطاليا
وبيوم رجوعنا الكويت طفت الكهرباء على روما كلها

يعني الcheck out بدون فاتوه عليها الحساب = صفر
وريوق بالفندق ماكو ولا قهوه حق تاج راسي اللي ما يبطل عينه الصبح اذا ما يشم ريحة القهوه " ادمان " ولا المصاعد شغاله بالفندق عشان ننزل الشنط ... ولا شي شغال

المهم ان احنا كنا مأكدين الحجز لردتنا من الكويت وقبل السفر بيوم هم عطينا الريسبشن التذاكر واستلمناهم منه بالليل لما ردينا الفندق محطوط عليهم نوته ان تم التأكيد وكنا طالبين تاكسي يودينا المطار ساعه معينه

طبعا على الاقل اربع عوايل غيرنا ناطرين بالشارع يبون تاكسي يوصلهم المطار

وصل تاكسينا جان يركضون ثنتين بريطانيات وخذوه .. انا تنرفزت قلت حق بوفؤاد واحنا نروح مشي يعني ؟؟
قال خليهم ماكو فايده فيهم الحين يقعدون يطولون لسانهم وبالنهايه نطلع احنا عرب واهمه اللي يفتهمون واحنا لأ

خل يروحون ونشوف شيصير

يت سياره عقب كبيره جنها فان ونادانا الكونسيير قال تبون هذه السياره قلنا إي عادي
لما شفنا فيها مكان زايد قلنا حق امريكان اثنين تحبون تيون معانا ؟ المكان يكفي اذا تبون .. طبعا فرحوا وايد وركبوا ووصلنا المطار

يتبع
" نشف ريج صبعي :p "

q8 investor

خبر مضحك مبكى بنفس الوقت................... الحين انتى يا الكويتيه صارلج 55 سنه واليوم تبين تطبقين هالقانون ...............وينك يا بورسلى من زمان والا لما شفت الجزيره اللى ما صار لها سنه مطبقين هالقانون ونجح الحين تبى تطبقه ............والله عيب...... مو احنا تعبنا ونصارخ سوو جد’ى بس عمك اصمخ ...........والعيب مو منك يا بورسلى ...العيب من اللى حطك..... الحين يت العيوزه تحط مكياج نفس البنات وتلبس على الموضه ........... تبون تعرفون حال البلد وشنو صاير فيها ..شوفو الكويتيه وانتو تعرفون ....اقول شى يا بورسلى روح تعلم من القطريه اللى صارلها 8 سنين او من الاماراتيه او الاتحاد....او حتى السيلانيه احسن لك.........معلومه الكويتيه عندها 18 طائره...ويوجد لديها اكثر من 20 موظف بمسمى خبير ....يعنى لكل طياره خبير وربع:p ..................

q8 investor

كملى يا ام فؤاد علقتينا

الصبر مفتاح

اقتباس:

المشاركة الأصلية كتبت بواسطة q8 investor

خبر مضحك مبكى بنفس الوقت................... الحين انتى يا الكويتيه صارلج 55 سنه واليوم تبين تطبقين هالقانون ...............وينك يا بورسلى من زمان والا لما شفت الجزيره اللى ما صار لها سنه مطبقين هالقانون ونجح الحين تبى تطبقه ............والله عيب...... مو احنا تعبنا ونصارخ سوو جد’ى بس عمك اصمخ ...........والعيب مو منك يا بورسلى ...العيب من اللى حطك..... الحين يت العيوزه تحط مكياج نفس البنات وتلبس على الموضه ........... تبون تعرفون حال البلد وشنو صاير فيها ..شوفو الكويتيه وانتو تعرفون ....اقول شى يا بورسلى روح تعلم من القطريه اللى صارلها 8 سنين او من الاماراتيه او الاتحاد....او حتى السيلانيه احسن لك.........معلومه الكويتيه عندها 18 طائره...ويوجد لديها اكثر من 20 موظف بمسمى خبير ....يعنى لكل طياره خبير وربع:p ..................

احلى تعليق سمعته وشي حرفنه

الحين يت العيوزه تحط مكياج نفس البنات وتلبس على الموضه

ههههههههههههههههههههههه

شى يا بورسلى روح تعلم من القطريه اللى صارلها 8 سنين او من الاماراتيه او الاتحاد....او حتى السيلانيه احسن لك

لوووووووووووووووووووووووووووووووووول

معلومه الكويتيه عندها 18 طائره...ويوجد لديها اكثر من 20 موظف بمسمى خبير ....يعنى لكل طياره خبير وربع

هذي ورب الككعبه مسخره

اسمع بو محمد

انا ليم اقلعت قبل جم يوم ولا الطياره تتاخر ساعتين بالضبط

قلت الكويتيه وهذي سوالفها

الكابتن بالعربي قال التاخير احتمال 20 دقيقه
والانجليزي قال التاخير نص ساعه

منها عرفت انهم اي شي ولا فاهمين شالسالفه
خل يصلحون العطل لا تطيح فينا بنص الطريج

...بس خلال الساعتين ماكو مكيف ..بقينا من الحر

والمضيفين ولا يعطونا ويه ... نصهم من بلاد ما ورا النهرين

المهم اخر شي الاخ الكابتن يقول

نتمنى انكم استمتعو بالرحله ؟؟

من صجه ؟ بدل ما يعتذر يقول نتمنى انكم استمتعو .. لا

والله والله ما استمتعنا لا بالرحله ولا بالمضيفين ملوتك

q8 investor

يا معود يا بوحسن ......خلى القرعه ترعى .....مادام طلال على راسهم فلا تلومهم............. زين منهم ودوك للمكان اللى تبيه....زين ما قالولك انت شتبى بالمكان اللى مسافر له خلك وطنى واقعد بديرتك احسن:p

omfouad

اقتباس:

المشاركة الأصلية كتبت بواسطة q8 investor

كملى يا ام فؤاد علقتينا

وين باجي الجمهور
ان شاء الله اكمل عن قريب

rahaly

بو علي لو تسكر البوابات قبل 6 ساعات ...................... هم تتأخر !!!!!!!!!!!