وزير الاعلام الجديد

نصوح · **وزير الاعلام الجديد -** 13-03-2007, 11:01 PM

تم إستدعاء سفيرنا في لندن السيد / خالد الدويسان وعرض عليه حقيبة وزارة الاعلام ووافق بتسلم هذا المنصب . الخبر من ديوانية عروقها بالماي

اعلامي · **رد: وزير الاعلام الجديد -** 13-03-2007, 11:16 PM

يعطيك العافية على نقل الخبر

لكن حسب معلوماتنا بأن حقيبة الاعلام ستسلم الى وزير شيخ ....

ايضا من ضمن ما وصلنا من اخبار بأن الشيخ احمد العبدالله اشترط لقبول الوزارة ان يكون وزيرا للصحة ....

اما الشيخ احمد الفهد فقد عرضت عليه الداخلية وقد رفض وهذي الاخبار من مصادر مقربة جدا

نصوح · **رد: وزير الاعلام الجديد -** 14-03-2007, 07:35 AM

والله يا مشرفنا الغالي كل شي يصير بهالديرة وكل شي يتغير خلال ساعة .. ودنا والله اللي يستلم أي حقيبة وزارية يحط الكويت بين هدب عيونه ويفكر بمصلحتها والله يعين المعينين من الوزراء على أعضاءنا ...

دينارين · **رد: وزير الاعلام الجديد -** 14-03-2007, 08:49 AM

ويييييه للحين التفلسف ديوانيه عروقها بالماى والثانى مقربين لازم ماكو فايده فينا احنا ما خربنا الا هالدواوين هذا قال وذاك قال وكل واحد يعطيك حجوه وتلقاه يايبها من ديوانيه ثانيه وتروح وتمشى والثانى يايبها من الثالث والرابع من الخامس وهذا الى السادس بس ساعتين تلقاها طالعه من الشمال مرت وسط البلد وراحت جنوبا
هندى يشتغل فى ديوانيه عروقها بالماى ، امس قاعد يتكلم عن التشكيل الوزارى يقول الهندى هذا بابا ديوانيه عروق فى ماى انت شنو يعرف انت يجى من جليب الشيوخ يبى يعلم انا، روح بابا روح
وشيلوها شيله

البحر الثامن · **رد: وزير الاعلام الجديد -** 14-03-2007, 11:14 AM

اقتباس:

المشاركة الأصلية كتبت بواسطة اعلامي

يعطيك العافية على نقل الخبر

لكن حسب معلوماتنا بأن حقيبة الاعلام ستسلم الى وزير شيخ ....

ايضا من ضمن ما وصلنا من اخبار بأن الشيخ احمد العبدالله اشترط لقبول الوزارة ان يكون وزيرا للصحة ....

اما الشيخ احمد الفهد فقد عرضت عليه الداخلية وقد رفض وهذي الاخبار من مصادر مقربة جدا

السلام عليكم

بس توضيح ان احمد الفهد المجلس هذا جحته المره الفاتت اللحين تبيهم يوافقون عليه ان اعتقد هذا اشاعات من احمد الفهد شخصيا وبالنسبه للصحه دستوؤيا ما يصير احمد العبدالله وزير.
بس في اشاعه ان مساعد (اللي اهو انا ) يبي يحطونه وزير النقل البحري والجوي اما البري فهو لمشرفنا بجاد لول

نصوح · **رد: وزير الاعلام الجديد -** 15-03-2007, 12:42 PM

[quote=دينارين;47068]ويييييه للحين التفلسف ديوانيه عروقها بالماى والثانى مقربين لازم ماكو فايده فينا احنا ما خربنا الا هالدواوين هذا قال وذاك قال

يا أخوي ماله داعي هالألفاظ آنا كلمة ديوانية عروقها بالماي حاطها من باب الفكاهة , الهدف إني أنقل الخبر المؤكد ... بس ما أبي أكثر الكلام... يادينارين