مواقف اعيالنا الطريفه

omfouad · **مواقف اعيالنا الطريفه -** 22-01-2007, 07:13 PM

السلام عليكم
كل من يمر خل يكتب لنا موقف حلو صار معاه ويا اليهال سواء عياله او مع عيال العايله او اي ياهل

فؤادي لما كان عمره سنتين ونص كنا بامريكا ومو شايف اهله بالكويت من لما كان عمره 10 شهور فما يذكرهم كلش .. وكنا قريب نرجع الكويت قلت خل اعرفه عليهم

ما عندي صور الكل جان يطري علي شريط عرسي
يبته وحطيته وقلت له يالله خل اراويك اهلك تعال اقعد
قعد وشغلت الشريط وشاف وانا اقول له هذه فلانه وهذا فلان وطبعا ما كثرت عليه بس عرفته على يده ويدته وخالاته وعماته وخواله وعمامه " "

جان يقول لي : وانا ويني خليتوني بالبيت بروحي ؟

قلت له لا ماما شلون نخليك بروحك لو موجود جان عزمناك بس انت ما كنت موجود وقتها
جان يزعل ويبجي وظل يومين ما يحاجينا شلون كلكم تروحون وانا تخلوني بالبيت بروحي ؟ انا ولدكم تروحون وتخلوني ! اكو ام وابو يخلون ولدهم بالبيت وما ياخذونه معاهم ؟

نبي بأي طريقه نقنعه انه ماكان مولود وقتها ابد مالنا امل وظل لي سنه كل ما زعل قال : لا ومو بس جذي ترى انا للحين اذكر لما خليتوني بالبيت بروحي

نصيحه لا تراوون عيالكم الصغار شريط عرسكم

السوق طيب · **رد: مواقف اعيالنا الطريفه -** 22-01-2007, 07:24 PM

الله ايخليلج فؤاد انشاء الله وتشوفينه معرس انشاء الله وتذكرينه بالقصه

MH For Ever · **رد: مواقف اعيالنا الطريفه -** 22-01-2007, 07:27 PM

قصة طريفة جدا يا ام فؤاد

والله يخليه لك وتفرحي بعياله وعيال عياله ان شاء الله

NBK · **رد: مواقف اعيالنا الطريفه -** 22-01-2007, 07:45 PM

مشكوره ام فؤاد
بارك الله فيك

boali · **رد: مواقف اعيالنا الطريفه -** 22-01-2007, 07:54 PM

اقتباس:

المشاركة الأصلية كتبت بواسطة omfouad

جان يقول لي : وانا ويني خليتوني بالبيت بروحي ؟

جان قلتي حق فؤاد راحت عليك نومه وخليناك باليت مع الخدامه

MH For Ever · **رد: مواقف اعيالنا الطريفه -** 22-01-2007, 07:59 PM

اقتباس:

المشاركة الأصلية كتبت بواسطة boali

جان قلتي حق فؤاد راحت عليك نومه وخليناك باليت مع الخدامه

ما شاء الله عليك يا بو علي جوابك جاهز ومعلب

boali · **رد: مواقف اعيالنا الطريفه -** 22-01-2007, 08:36 PM

اقتباس:

المشاركة الأصلية كتبت بواسطة MH For Ever

ما شاء الله عليك يا بو علي جوابك جاهز ومعلب

بعد اذا سالني هالسؤال المحرج ,, شسويله بعد ,,

أخاف اقوله كنت بطن امك ,, ويفتحلي موضوع ثاني

boali · **رد: مواقف اعيالنا الطريفه -** 22-01-2007, 08:39 PM

انا موقفي مع اليهال ؟

قبل جم يوم رحت اسبح ,,

لم فصخت فلينتي ,, ولم يطيح على الارض الوان خشبيه ,,
ما ادري متى حطوا الالوان داخل ظهري

وغير الاستكرات اللي ملزقه على هدومي

والله قبل فتره قاعد اطالع بالمنظره ,, ولا حاطين استكر على خدي وما حسيت فيه

ياقوت · 23-01-2007, 06:35 AM

الله يخليهم ان شاء الله ويطرح فيهم البركه وتشوفون عيال عيالهم

boali · **رد: مواقف اعيالنا الطريفه -** 23-01-2007, 03:10 PM

اقتباس:

المشاركة الأصلية كتبت بواسطة ياقوت

الله يخليهم ان شاء الله ويطرح فيهم البركه وتشوفون عيال عيالهم

الله يسلمج يا الطيبه ,, ويخليلج اعيالج ان شاءالله

ويالله نبي منج موقف حق أعيالج ؟

omfouad · **رد: مواقف اعيالنا الطريفه -** 23-01-2007, 03:55 PM

العفو والله يسلمكم وشاكره تفاعلكم مع الموضوع وحياكم الله ياللي مريتوا وما حطيتوا موقف صار معاكم .. طبعا انتوا مطالبين فيه بأثر رجعي مو على بالكم طاف
بو علي معقوله الوان خشبيه ما حسيت فيها !! الله يخليهم لك يا رب حابكين الدور معاك ^ ; ^

omfouad · **رد: مواقف اعيالنا الطريفه -** 23-01-2007, 04:02 PM

فؤادي لما كان صغير يعني تقريبا من عمره يمكن سنه ونص كان ولازال كسول جدا لما كنت اطلع معاه نمشي ومالي خلق آخذ العربانه حقه كنت امشيه بس عشر دقايق لي ال mall اللي يمنا .. هالكلام بأمريكا وولدي ما كان يتكلم عربي ..
امشي معاه شويه وبعدها يبجي شيليني طبعا ما اشيله وهو يدري لا وما يقول شيليني يقول لميني بس المزيون بدال لا يقول big hug كان يقول وهو يبجي وبأعلى صوته big bug >> big buuuuuug والناس تتلفت تطالع وين الbig bug

وعلى هالموال سنه بكل مكان .. جمعيه .. حديقه وين ما نروح ما اعبر اشيله طول الوقت ويتم يغرد لي big bug .. big bug لين دخل الحضانه واستوعب ان الكلمه الصحيحه هي big hug finally

esmail78 · **رد: مواقف اعيالنا الطريفه -** 23-01-2007, 04:35 PM

الله يخليه ويحفظه لكم

الصبر مفتاح · **رد: مواقف اعيالنا الطريفه -** 23-01-2007, 05:05 PM

ههههه متخيلها