مواقف اعيالنا الطريفه - الصفحة 3

omfouad · **رد: مواقف اعيالنا الطريفه -** 06-05-2008, 12:33 PM

للرفع

نبي مواقف لو تكرمتوا

omfouad · **رد: مواقف اعيالنا الطريفه -** 07-05-2008, 05:39 PM

سبحان الله
اليهال
قلبهم اقل شي ممكن يبهجه
والعكس صحيح
اقل شي ممكن يفطره

فؤاد اليوم يايني يسأل : ماما اسمي مذكور بالقرآن ؟
ادري اني اذا لقيت اسمه بالقرآن هالشي راح يبهجه ويفرح قلبه وايد

وبنفس الوقت ياي من المدرسه متنرفز ويقول ماني حال واجب الانجليزي من اليوم خلاص

ليش ؟؟؟

قال : المس ما تصلح لي الواجب
واللي اعرفه ان الهدف من الواجبات ان نتعلم من اخطاءنا فيها عشان ما نعيدها واذا اهي حاسبتني طوفه وما تبي تصلح واجبي كيفها وانا بعد كيفي ماني حال الواجب خلاص .

لميته وايد وقلت له يروح يتغدا ولما خلص كلمته

ان اولا المس هذه طول السنه قاعد نستفيد منها وبالتالي المفروض نتكلم عنها بكل أدب واحترام مهما تكون سوت

ثانيا اقدر ادق على المدرسه باجر واكلم لك المس وما يصير خاطرك الا طيب انا جم فؤاد عندي

ثالثا انت لما تسوي الواجب تكون سويت اللي عليك
واذا اهي تقصر بوظيفتها هالشي ما يعطيك الحق انك تهمل واجبك
اسألني انا او اسأل ابوك .. ابدا لا تعطي مجال ان لما نروح المدرسه نكلمهم عن شي مضايقنا منهم يقولون لنا اصلا ولدكم مهمل بدراسته وما يحل واجباته ..

يالله شوي الحمدلله طاب خاطره

الصبر مفتاح · **رد: مواقف اعيالنا الطريفه -** 08-05-2008, 01:34 AM

الله يخلي فواد لاهله

انا عندي واحد الله يحفظه

كل امنيتي اني اشوفه ليم يروح المدرسه يكون امشط شعره

مستحيييييييييييييل

omfouad · 05:41 PM

اقتباس:

المشاركة الأصلية كتبت بواسطة الصبر مفتاح

الله يخلي فواد لاهله

انا عندي واحد الله يحفظه

كل امنيتي اني اشوفه ليم يروح المدرسه يكون امشط شعره

مستحيييييييييييييل

الله يسلمك ويحفظ غاليك
عندنا وعندك خير
كل ما نقول له مشط شعرك يقول قرعوني

boali · **رد: مواقف اعيالنا الطريفه -** 11-05-2008, 10:21 AM

اقتباس:

المشاركة الأصلية كتبت بواسطة الصبر مفتاح

الله يخلي فواد لاهله

انا عندي واحد الله يحفظه

كل امنيتي اني اشوفه ليم يروح المدرسه يكون امشط شعره

مستحيييييييييييييل

اقتباس:

المشاركة الأصلية كتبت بواسطة omfouad

الله يسلمك ويحفظ غاليك
عندنا وعندك خير
كل ما نقول له مشط شعرك يقول قرعوني

سبحان الله ليش هالهواية عند الياهال

ترى هي سالفة عناد

boali · **رد: مواقف اعيالنا الطريفه -** 11-05-2008, 10:26 AM

اقتباس:

المشاركة الأصلية كتبت بواسطة omfouad

سبحان الله
اليهال
قلبهم اقل شي ممكن يبهجه
والعكس صحيح
اقل شي ممكن يفطره

فؤاد اليوم يايني يسأل : ماما اسمي مذكور بالقرآن ؟
ادري اني اذا لقيت اسمه بالقرآن هالشي راح يبهجه ويفرح قلبه وايد

وبنفس الوقت ياي من المدرسه متنرفز ويقول ماني حال واجب الانجليزي من اليوم خلاص

ليش ؟؟؟

قال : المس ما تصلح لي الواجب
واللي اعرفه ان الهدف من الواجبات ان نتعلم من اخطاءنا فيها عشان ما نعيدها واذا اهي حاسبتني طوفه وما تبي تصلح واجبي كيفها وانا بعد كيفي ماني حال الواجب خلاص .

لميته وايد وقلت له يروح يتغدا ولما خلص كلمته

ان اولا المس هذه طول السنه قاعد نستفيد منها وبالتالي المفروض نتكلم عنها بكل أدب واحترام مهما تكون سوت

ثانيا اقدر ادق على المدرسه باجر واكلم لك المس وما يصير خاطرك الا طيب انا جم فؤاد عندي

ثالثا انت لما تسوي الواجب تكون سويت اللي عليك
واذا اهي تقصر بوظيفتها هالشي ما يعطيك الحق انك تهمل واجبك
اسألني انا او اسأل ابوك .. ابدا لا تعطي مجال ان لما نروح المدرسه نكلمهم عن شي مضايقنا منهم يقولون لنا اصلا ولدكم مهمل بدراسته وما يحل واجباته ..

يالله شوي الحمدلله طاب خاطره

بصراحه تصرف جميل يا ام فؤاد

أعتقد لو أنا يمكن جان ما عرفت أرد عليه

واقول له اذا مو عاجبك لا تكتب وطق راسك بالطوفه

شدعوه بتطلع باجر دكتور

omfouad · 02:09 PM

اقتباس:

المشاركة الأصلية كتبت بواسطة boali

بصراحه تصرف جميل يا ام فؤاد

أعتقد لو أنا يمكن جان ما عرفت أرد عليه

واقول له اذا مو عاجبك لا تكتب وطق راسك بالطوفه

شدعوه بتطلع باجر دكتور

على طاري دكتور خل اقول لك سالفة ممكن تنفعك مع اعيالك مع مرور الزمن وتنفع قراءنا الكرام

فؤاد ما يستحمل البرود من الشغالين

وعندي شغاله ماشاءالله تبارك الرحمن عليها كثر ما اقول بارده أتعب

المهم
فؤاد وانا واختي قاعدين على طاولة الطعام نسولف وهو يتغدا

ومعصب على الشغاله ان كل ما يقول لها شي ما تفهم وتسوي شي غير ما تقول له ما فهمت و ..

وانا ساكته واختي نطرته لين خلص تحلطم وقال كل اللي بقلبه
تالي قالت له :

فؤاد هذه منو اللي انت تتحلطم عليها ؟
قال لها : الشغاله

قالت له :
انزين انت فكر بالموضوع شويه
اهي لأنها ما تفهم اشتغلت شغاله بالبيوت تخدم بعيد عن اعيالها واهلها
اهي لو ذكية وتفهم جان صارت مهندسه او دكتوره او اي شغله تعيشها احسن من هالعيشه اللي حتى الياهل اللي كبرك يتحلطم على شغلها ويبيها تفهم لغته واهو ما يعرف لغتها ولا اي شي عنها غير اسمها

على الاقل كلمها باسلوب حلو وبالعدال لأنها مره كبيره مو كبرك ولما تقول لها شنو تبي خلها تعيد لك اللي فهمته وان شفتها ما فهمت رد عيد لها لأن لغتنا العربيه وايد صعبه عليهم ..

وديننا شنو يقول :
إرحموا عزيز قوم ذل

وكل انسان عزيز نفسه ان ما كان عزيز نفسه و عزيز قومه (واهله وناسه)

يوم سعيد

مستشاركم بإستخراج التراخيص · **رد: مواقف اعيالنا الطريفه -** 19-05-2008, 04:38 AM

إختنا العزيزه/ام فؤاد
عسى الله يخليلج فؤاد

اشرايج تكتبين يومياتج مع فؤاد بكتاب أو تحولينها الى مسلسل يعرض برمضان؟ههههه طبعاً أتغشمر معاج أخيتي
ربي يحفظه

مستشاركم بإستخراج التراخيص · **رد: مواقف اعيالنا الطريفه -** 19-05-2008, 04:41 AM

إذا تذكرت موقف بقولكم انشاء الله عليه علشان نثري موضوع ام فؤاد

omfouad · **رد: مواقف اعيالنا الطريفه -** 19-05-2008, 08:46 AM

اقتباس:

المشاركة الأصلية كتبت بواسطة مستشاركم بإستخراج التراخيص

إختنا العزيزه/ام فؤاد
عسى الله يخليلج فؤاد

اشرايج تكتبين يومياتج مع فؤاد بكتاب أو تحولينها الى مسلسل يعرض برمضان؟ههههه طبعاً أتغشمر معاج أخيتي
ربي يحفظه

السلام عليكم
الله يسلمك اخونا
من اول مشاركه توجهها لي تتغشمر معاي !!

عموما لو عندي وقت كنت كتبت يومياتي جد مو غشمره
ما عندك اي فكره احيانا اليهال اشكثر يحير القرار معاهم او اشكثر يوهقون باسئلتهم
وبالتالي شالمانع ان اللي يعرف يفيد غيره لتفادي المواقف الصعبه والتعامل معاها بإدراك نابع عن قراءات لمواقف مشابهه مع الاطفال

اقتباس:

المشاركة الأصلية كتبت بواسطة مستشاركم بإستخراج التراخيص

إذا تذكرت موقف بقولكم ان شاء الله عليه علشان نثري موضوع ام فؤاد

بالانتظار
شاكره مرورك الكريم والمشاركه

يوم سعيد

ولد البورصه · **رد: مواقف اعيالنا الطريفه -** 26-05-2008, 02:40 AM

موضوع حلو يستحق المشاركه فيه والهذره عن اليهال

مره وديت اليهال لسوق السالميه فى العاب فوق (طفل المستقبل) يلعبون ويستانسون ولما خلصنا مرينا ماكدونالد يتعشون وكانو يبون ايس كريم وانا من خوفى عليهم قلتلهم بالليل مو زين ناكل ايس كريم
وفى طاوله جدامنا ام وعيالها يتعشون
انا استأذنت منهم يتعشون بروح اشترى عصير من تحت وراجع على ما تخلصون اكل
لما رجعت حصلتهم هادين نص وجباتهم وياكلون ايس كريم قلتلهم شنو هذا!!
رد على المأدب فهد وقالى بصوت على وكان يأشر على الطاوله اللى يمى ويقول هذى طلبت حق عيالها وطلبت لنا معاها
التفت لها ك ردت فعل بدون قصد ولا المراء منحرجه وتقولى طلبت حق عيالى عند الكاشير ولا عيالك تحتى يقولون حتى احنا نبى وطلبت لهم ..
قمه الاحراج انك تهد عيالك 3دقايق
شكرتها وانا مبتسم ومشيت
ومن ذاك اليوم لليوم اذا بنتعشى ناخذ الاكل للبيت

لو انتى مكانى ام فؤاد شنو شعورج؟؟

esmail78 · **رد: مواقف اعيالنا الطريفه -** 26-05-2008, 08:48 AM

اقتباس:

المشاركة الأصلية كتبت بواسطة omfouad

على طاري دكتور خل اقول لك سالفة ممكن تنفعك مع اعيالك مع مرور الزمن وتنفع قراءنا الكرام

فؤاد ما يستحمل البرود من الشغالين

وعندي شغاله ماشاءالله تبارك الرحمن عليها كثر ما اقول بارده أتعب

المهم
فؤاد وانا واختي قاعدين على طاولة الطعام نسولف وهو يتغدا

ومعصب على الشغاله ان كل ما يقول لها شي ما تفهم وتسوي شي غير ما تقول له ما فهمت و ..

وانا ساكته واختي نطرته لين خلص تحلطم وقال كل اللي بقلبه
تالي قالت له :

فؤاد هذه منو اللي انت تتحلطم عليها ؟
قال لها : الشغاله

قالت له :
انزين انت فكر بالموضوع شويه
اهي لأنها ما تفهم اشتغلت شغاله بالبيوت تخدم بعيد عن اعيالها واهلها
اهي لو ذكية وتفهم جان صارت مهندسه او دكتوره او اي شغله تعيشها احسن من هالعيشه اللي حتى الياهل اللي كبرك يتحلطم على شغلها ويبيها تفهم لغته واهو ما يعرف لغتها ولا اي شي عنها غير اسمها

على الاقل كلمها باسلوب حلو وبالعدال لأنها مره كبيره مو كبرك ولما تقول لها شنو تبي خلها تعيد لك اللي فهمته وان شفتها ما فهمت رد عيد لها لأن لغتنا العربيه وايد صعبه عليهم ..

وديننا شنو يقول :
إرحموا عزيز قوم ذل

وكل انسان عزيز نفسه ان ما كان عزيز نفسه و عزيز قومه (واهله وناسه)

يوم سعيد

ونعم الإخت بارك الله فيها ..

اسئل الله يحفظ لك أبنائك ويجعلهم قرة عين لوالديهم ولجميع اعضاء المنتدى الكرام ..

اقتباس:

المشاركة الأصلية كتبت بواسطة ولد البورصه

موضوع حلو يستحق المشاركه فيه والهذره عن اليهال

مره وديت اليهال لسوق السالميه فى العاب فوق (طفل المستقبل) يلعبون ويستانسون ولما خلصنا مرينا ماكدونالد يتعشون وكانو يبون ايس كريم وانا من خوفى عليهم قلتلهم بالليل مو زين ناكل ايس كريم
وفى طاوله جدامنا ام وعيالها يتعشون
انا استأذنت منهم يتعشون بروح اشترى عصير من تحت وراجع على ما تخلصون اكل
لما رجعت حصلتهم هادين نص وجباتهم وياكلون ايس كريم قلتلهم شنو هذا!!
رد على المأدب فهد وقالى بصوت على وكان يأشر على الطاوله اللى يمى ويقول هذى طلبت حق عيالها وطلبت لنا معاها
التفت لها ك ردت فعل بدون قصد ولا المراء منحرجه وتقولى طلبت حق عيالى عند الكاشير ولا عيالك تحتى يقولون حتى احنا نبى وطلبت لهم ..
قمه الاحراج انك تهد عيالك 3دقايق
شكرتها وانا مبتسم ومشيت
ومن ذاك اليوم لليوم اذا بنتعشى ناخذ الاكل للبيت

لو انتى مكانى ام فؤاد شنو شعورج؟؟

موقف صعب ولكن إبتسامتك بالنهايه سهلت الموقف ..

omfouad · **رد: مواقف اعيالنا الطريفه -** 26-05-2008, 10:04 AM

اقتباس:

المشاركة الأصلية كتبت بواسطة ولد البورصه

موضوع حلو يستحق المشاركه فيه والهذره عن اليهال

مره وديت اليهال لسوق السالميه فى العاب فوق (طفل المستقبل) يلعبون ويستانسون ولما خلصنا مرينا ماكدونالد يتعشون وكانو يبون ايس كريم وانا من خوفى عليهم قلتلهم بالليل مو زين ناكل ايس كريم
وفى طاوله جدامنا ام وعيالها يتعشون
انا استأذنت منهم يتعشون بروح اشترى عصير من تحت وراجع على ما تخلصون اكل
لما رجعت حصلتهم هادين نص وجباتهم وياكلون ايس كريم قلتلهم شنو هذا!!
رد على المأدب فهد وقالى بصوت على وكان يأشر على الطاوله اللى يمى ويقول هذى طلبت حق عيالها وطلبت لنا معاها
التفت لها ك ردت فعل بدون قصد ولا المراء منحرجه وتقولى طلبت حق عيالى عند الكاشير ولا عيالك تحتى يقولون حتى احنا نبى وطلبت لهم ..
قمه الاحراج انك تهد عيالك 3دقايق
شكرتها وانا مبتسم ومشيت
ومن ذاك اليوم لليوم اذا بنتعشى ناخذ الاكل للبيت

لو انتى مكانى ام فؤاد شنو شعورج؟؟

اهلا وسهلا فيك بالموضوع حضرة المشرف
موقف لا تحسد عليه بصراحه
ولو انا مكانك هم ماراح يصير لي هالموقف لأن فؤاد لي قال لي يبي شي أقنعه بال إي او ال لأ كإجابه وبالتالي خلاص يسمع الكلام وإن زودها بالكثير يحن شوي ونخلص

يدري ان في قوانين تحترم ومعودينه يلتزم فيها .. حاول مع اعيالك تعودهم ان في قوانين ماشيه على الكل سواء بالاكل او بوقت النوم وغيرها من الامور ... بتتعب معاهم بالبدايه لكن بترتاح عقب ان شاءالله

ناطرين منك الموقف اللي بعده

omfouad · **رد: مواقف اعيالنا الطريفه -** 26-05-2008, 10:09 AM

اقتباس:

المشاركة الأصلية كتبت بواسطة esmail78

ونعم الإخت بارك الله فيها ..

اسئل الله يحفظ لك أبنائك ويجعلهم قرة عين لوالديهم ولجميع اعضاء المنتدى الكرام ..

آمين
أجمعين

شاكره مرورك الكريم

شخبار راشد !
على الاقل نتفة موقف بالغلط حط له اهني