توصيات على البيني ستوك ... وانت تقرر مصلحتك

rahaly

منذ مدة شهر وانا تصلني تزكيات وتوصيات من جهة لا اعلمها توصي على اسهم بيني ستوك ...
طبعا اهدافهم خياااااالية ... يعني السهم بو 1.30 يقولون بيوصل 12 دولار خلال اسبوع!!!

انا من اشد معارضي البيني ستوك ... وانصح بعدم التداول به ... الا للاشخاص المغامرين .. اللي بدل لا يسافر دبي يومين ... يرمي فلوسة بالسهم ...
اما تضرب معاه وما راح نسمع اسمه بعد الا في قائمة اشهر اغنياء العالم

او يخسر استثماره ... ويسلينا دائما في المنتدى

عموما راح احطلكم التوصيات بدون اي مسئولية ...
عقلك براسك ... وتعرف خلاصك
ولو ما المنتدى جديد ... والا كنت اشتكي على اللي يوصون على البيني ستوك

تحياتي
وبالتوفيق

rahaly

التوصية الاولى

rahaly

توصية اخرى

rahaly

وتوصية اخرى

rahaly

والتوصيات التي تصلني سوف انقلها لكم .. (( انقلها فقط))

rahaly

وهذه توصية جديدة وصلتني من مصدر جديد

(( طبعا عليكم البحث))

النوخذه

مشكور اخوي رحالي على جهودك الرائعه في المنتدى .

ناقل الكفر ليس بكافر

بس ما ادري يا ليت لو تقولي هل كانت توصياتهم السابقه ناحجه ؟؟ ونسبة نجاحها اذا امكن ؟

اذا كانت توصياتهم ناجحه عيل بنودع الفقر يا سعد بسنا فلوس بسنا

rahaly

اقتباس:

المشاركة الأصلية كتبت بواسطة النوخذه

مشكور اخوي رحالي على جهودك الرائعه في المنتدى .

ناقل الكفر ليس بكافر

بس ما ادري يا ليت لو تقولي هل كانت توصياتهم السابقه ناحجه ؟؟ ونسبة نجاحها اذا امكن ؟

اذا كانت توصياتهم ناجحه عيل بنودع الفقر يا سعد بسنا فلوس بسنا

اولا ... انا مالي شغل بالاسهم هذي

ثانيا .... توصياتي بصراحة ناااااجحة مية مية
.......................... بس حق غيري

يعني يا النوخذة ... بالذمة لو ناجحة كنت قاعد معاكم الحين ؟؟؟؟؟!!!!!!
كنت في يخت بالبورتو بانوس والا في برج العرب ... وكان السكرتير ينقلي شنو تقولون في المنتديات وانا منبط من الضحك عليكم

اترك عنك ياخوي .... ويالله اشترلك كم سهم يمكن يضبط معاك وقولنا

النوخذه

هههههههههههههههههههههههههههههههههههههههههههههههههه هههههههههههههههههه الله يقطع ابليسك موتني من الضحك .

درب الزلق

يعطيك العافيه اخوي رحالى
لكن ماتلاحظ انه جميع التوصيات بنك شيك ؟
والبينك شيك معرضه للافلاس باى لحضه

rahaly

اقتباس:

المشاركة الأصلية كتبت بواسطة درب الزلق

يعطيك العافيه اخوي رحالى
لكن ماتلاحظ انه جميع التوصيات بنك شيك ؟
والبينك شيك معرضه للافلاس باى لحضه

ياخوي عيل ليش عجزت وانا احذر من البيني ستوك عموما ؟؟
اذا شركات عملاقة تفلس في السوق الامرريكي ... شلون البيني ستوك ؟؟

بس حطيتهم لمحبي البيني

شكرا على الملاحظة

rahaly · **eres .... فرصة على المدى المتوسط -** 11-11-2006, 12:38 AM

شركة معروفة بالتكنلوجيا الطبية ....

وقد هبط سهمها يوم الخميس اكثر من 15% بسبب اعلان الارباح والارباح المتوقعة ...

وبحسب خبرتي بالسوق الامريكي فان ذلك لا يكفي لبقاء السهم منخفض ... ولكنها ردة فعل مؤقته من قبل المتداولين ...

بدليل السعر الحالي 6.26 اي ارتفع السهم اكثر من 20 سنت خلال يوم واحد ... رغم انخفاض السوق

واعتقد اننا سنرى ارتفاعات قادمة ... فقد انخفض السهم تاركا فجوة ... أعتقد انه سيعود لتسكيرها في الايام القادمة

والله اعلم

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

TrendTrader

بارك الله فيك ونفع بك يا رحالي

اخوك بومحمد

rahaly

اقتباس:

المشاركة الأصلية كتبت بواسطة TrendTrader

بارك الله فيك ونفع بك يا رحالي

اخوك بومحمد

هلا بو محمد .... السهم بدأ يتعفى

مو قلنا سوق امريكي